© Sputnik / Tabyldy Kadyrbekov
Semeidegi "Jas Ulan" erler mektebinde álimjettiktiń videosy áleýmettik jelide tarady. Abai oblystyq bilim basqarmasy Sputnik Qazaqstan tilshisine oqiǵaǵa qatysty túsinikteme berdi.
Vedomstvonyń málimetinshe, oqiǵa osydan eki jyl buryn bolǵan.
"Áleýmettik jelide taraǵan videoda "Jas ulan" erler mektebin 2025 jyly bitirgen 111-vzvod ulanyn onyń synyptasy moinynan qolymen qapsyra ustaǵany kórinis tapqan. Oqýshynyń aitýynsha, video 2023 jyly túsirilgen", - deidi oblystyq bilm basqarmasy.
Mektep túlegi bul "dostar arasyndaǵy ázil" ekenin, bir-birimen qaljyńdasqanyn atap ótken.
"Sol ýaqytta mektep ujymy jaǵdaidy bilip, balalarmen túsindirý jumystaryn júrgizgen. Oqýshylar bir synypta oqyǵan jáne 2025 jyldyń mamyr aiynda litseidi aiaqtaǵan. Qazirgi ýaqytta olardyń bireýi Pavlodar qalasynda, al ekinshisi Almaty qalasyndaǵy joǵarǵy oqý oryndarynyń birinde oqyp jatyr", - deidi vedomstvo.
Abai oblysy bilim basqarmasy "Jas Ulan" tárbielenýshileri árdaiym litsei basshylyǵynyń nazarynda bolatynyn atap ótti.
