Biyl «Jas sarbaz» áskeri-patriottyq qozǵalysynyń kókjiegi keńeiýde. Óitkeni búgin Qarýly kúshterdiń Ulttyq áskeri-patriottyq ortalyǵynda «Jas sarbaz» jáne «Assambleia jastary» respýblikalyq qoǵamdyq birlestikteriniń tóraǵalary jastarǵa áskeri-patriottyq tárbie berý salasyndaǵy memorandýmǵa qol qoidy, – dep habarlaidy «Ult aqparat».
Atalǵan sharaǵa Qazaqstan halqy Assambleiasy tóraǵasynyń orynbasary Marat Ázilhanov, Qazaqstan Respýblikasy Qorǵanys ministriniń orynbasary general-maior Muhamedjan Talasov jáne «Jas sarbaz», «Assambleia jastary» qozǵalystarynyń tárbielenýshileri qatysty.
«Barshańyz kýá bolǵandai, búgingi kún erekshe. Bul kúndi tarihi sátterdiń jarqyn beinesi dep bilemin. Jastar uiymdary qujatqa qol qoidy, endi alda belsendi ári birlesip atqaratyn jumystar bar. Maqsatymyz bir. Al memorandým uzaq merzimdi yntymaqtastyqtyń negizi. Búgingi tańda elimizde jastar sany artyp, olarǵa artylǵan úmit te kóp. Sondyqtan búgingi kelisim jarqyn bolashaqtyń kepili dep nyq senimmen aita alamyn», – dep atap ótti Qazaqstan halqy Assambleiasy tóraǵasynyń orynbasary Marat Ázilhanov.
«Assambleia jastary» uiymy «Qasietti paryz» dep atalatyn jobany uiymdastyrý arqyly áskeri-patriottyq tárbieni damytýdy qoldady. General-maior Muhamedjan Talasov jańa Qazaqstannyń qurylysy memlekettiń odan ári damýy men órkendeýiniń, Memleket basshysy Qasym-Jomart Toqaevtyń bastamalaryn tiimdi oryndaýdyń basty resýrsy bolýy jas urpaqqa bailanysty ekenin atap ótti.
«Elimizdiń erteńi – jastar. Sondyqtan da Otan aldyndaǵy árbirimizdiń mindetimiz qasietti paryz dep bileiik. Jáne bir arman, bir maqsatqa jumylǵan jastardyń qolynan bári keletinine senemin. Osy oraida «Qasietti paryz» dep atalatyn jobany uiymdastyrý arqyly áskeri-patriottyq tárbieni damytsaq, elimizdiń erteńi úshin óte paidaly bolmaq. Sizderdi osy bir mańyzdy iste bir bolýǵa shaqyramyn», – dedi General-maior Muhamedjan Talasov.
Búgingi shara qoǵamdyq birlestikter arasynda ózara yntymaqtastyqty ornatýǵa, jastardyń áskeri-patriottyq tárbiesin jan-jaqty damytýǵa kúsh salýǵa baǵyttaýǵa, jastar bastamalaryna qoldaý kórsetýge, birlesken jobalardy uiymdastyryp, iske asyrýǵa oń yqpal etedi. Osy oraida aita keteiik, Elbasy Nursultan Nazarbaev 2018 jylǵy 5 qazandaǵy Qazaqstan halqyna Joldaýynda «Jas sarbaz» balalar-jaóspirimder birlestigin qurý basym baǵyttardyń biri retinde tapsyrǵan bolatyn. Osylaisha, QR Tuńǵysh Prezidenti kúni qarsańynda Qarýly kúshterdiń Ulttyq áskeri-pariottyq ortalyǵynda ótken is-sharada respýblikalyq jasóspirimder qozǵalysy qurylyp, N.Nazarbaev qozǵalystyń qurmetti tóraǵasy bolyp taǵaiyndaldy. Osy sharadan soń oqýshylar men jastar arasyndaǵy áskeri-patriottyq tárbieni kúsheitý, onyń ishinde «Jas sarbaz» jasóspirimder áskeri-patriottyq qozǵalysy» respýblikalyq qoǵamdyq birlestiktiń óńirlik filialdary qurylyp, naqty jumys bastaldy. Búginde elimizde 6 myńǵa jýyq áskeri-patriottyq klýb jáne áskeri-patriottyq synyptar ashylǵan. «Jas sarbaz» qozǵalysy qazir 170 myńdai órendi biriktirip otyr.
Esterińizge sala keteiik, Biyl «Jas sarbaz» áskeri-patriottyq qozǵalysynyń kókjiegi keńeiýde. Óitkeni búgin Qarýly kúshterdiń Ulttyq áskeri-patriottyq ortalyǵynda «Jas sarbaz» jáne «Assambleia jastary» respýblikalyq qoǵamdyq birlestikteriniń tóraǵalary jastarǵa áskeri-patriottyq tárbie berý salasyndaǵy memorandýmǵa qol qoidy. Atalǵan sharaǵa Qazaqstan halqy Assambleiasy tóraǵasynyń orynbasary Marat Ázilhanov, Qazaqstan Respýblikasy Qorǵanys ministriniń orynbasary general-maior Muhamedjan Talasov jáne «Jas sarbaz», «Assambleia jastary» qozǵalystarynyń tárbielenýshileri qatysty.
