Búgin «Jas Otan» Jastar qanatynyń kezekti IV Seziniń qorytyndy kúni ótti. Sonyń aiasynda EKSPO-2017 Kongress-ortalyǵynda «Jańa álemge jol salamyz» atty Gala-forým uiymdastyryldy. Oǵan elimizdiń barlyq óńirinen kelgen 1500-den astam belsendi jasotandyq qatysty.
Sezde Elbasy, partiia Tóraǵasynyń quttyqtaý sózin Memlekettik hatshy Gúlshara Ábdiqalyqova oqyp berdi.
«Nur Otan» partiiasy Tóraǵasynyń Birinshi orynbasary Máýlen Áshimbaev Elbasy únemi jastarǵa qoldaý kórsetip, olardyń bilikti maman bolyp qalyptasýy úshin barlyq jaǵdaidy jasap kele jatqanyna nazar aýdardy.
– Sizderdiń kúsh-qýattaryńyz, bastamashyl tyń ideialaryńyz, barlyq iske kreativti kózqarastaryńyz Elbasynyń strategiialyq bastamalaryn sátti júzege asyrýdyń kepili. «Jas Otan» elimizdegi barlyq jastyń múddesin laiyqty qorǵaýy tiis. Sondyqtan bul Sezdi elimizdi jańǵyrtý isinde jastardy integratsiiaǵa bastaityn qýatty kúsh dep aitýǵa tolyq negiz bar, – dedi Máýlen Áshimbaev.
«Jas Otannyń» jumysynda internet pen áleýmettik jelilerdiń keńinen qoldanylýy da atap ótýge turarlyq bastama boldy. Bul is-sharany Qazaqstannan - 22607, Reseiden - 6078, Ulybritaniiadan – 2513, Germaniiadan – 1642, AQSh-tan – 2822, Kanadadan – 809, Ońtústik Koriadan -2096, Malaiziiadan – 1656, basqa elderden 2371 adam kórdi.
Is-sharada «ArselorMittal Temirtaý» AQ-nyń jumysshysy Eljas Qojahmetov, Nazarbaev Ýniversitetiniń assistenti Ásiia Ermuhambetova, «Halyq qazynasy» ǵylymi-zertteý institýtynyń bólim basshysy Aibar Qasenalin, «Ninety One» tobynyń ánshisi Dýlat Muhametqaliev, Qostanai qalasyndaǵy №3 emhananyń dáriger-endokopisi Elvira Asadova, jeke kásipker, «Aqaidar» sharýa qojalyǵynyń basshysy Adambek Baimyrza, Almaty qalasyndaǵy Nazarbaev ziiatkerlik mektebiniń 11-synyp oqýshysy Ivan Krepak, paralimpiada júldegeri, «Qazaqstannyń 100 jańa esimi» jobasynyń jeńimpazy Serik Esmatov, «Tulpar-Talgo» JShS-nyń óndiristik direktory Danara Eleýsizova, «Qashaǵan» ken ornynyń injeneri Berik Ýap, «Qazaqstannyń 100 jańa esimi» jobasynyń jeńimpazy, Shyǵys Qazaqstan oblysy, Ýst-Talovka aýylyndaǵy balalar óner mektebiniń oqytýshysy Valentin Alifanov, «Air Astana» áýe kompaniiasynyń ushqyshtary Oleg Jakýpov pen Jan Jakýpov, jastar ázil shoýynyń bas direktory jáne rezidenti Aqsultan Qaliev, «Jas Otan» Jastar qanaty «Sana» baǵytynyń jetekshisi Áigerim Serikjanova sóz sóiledi.
Sezd sońynda jasotandyqtardyń uiymnyń damýy men elimizdegi jańǵyrý úderisterine qatysý jónindegi strategiialyq mindetteri kórsetilgen arnaiy qujat qabyldandy.
