«Jas Órken» baǵdarlamasynyń ókilderi elimizdiń 16 qalasyndaǵy 90 joǵary oqý ornyna baryp, olardaǵy stýdenttermen kezdesedi.
Atap aitsaq, kezdesýler Nur-Sultan, Oral, Aqtóbe, Atyraý, Aqtaý, Pavlodar, Semei, Óskemen, Petropavl, Qostanai, Rýdnyi, Almaty, Qaraǵandy, Qyzylorda, Shymkent jáne Taraz qalalarynda ótedi.
Atalǵan eldimekenderde bilim nárimen sýsyndap júrgen jastardyń úzdikteri baǵdarlama aiasynda eki jyl boiy Qor kompaniialarynda taǵylymdamadan ótip, tórt rotatsiiaǵa qatysady. Al, aldaǵy ýaqytqa josparlanyp otyrǵan kezdesýlerdiń maqsaty - stýdentterge baǵdarlamaǵa qatysý sharttary, 2022 jylǵy konkýrstyq irikteýdiń kriteriileri men kezeńderi týraly aqparat usyný.
Eń negizgisi, kelesi jylǵy irikteýge elimiz boiynsha 2019-2022 jyldary joǵarǵy oqý oryndaryn támamdaǵan jastar qatysa alady.
«Qordyń bul biregei baǵdarlamasy Qazaqstan Respýblikasynyń adami kapitalyna salynǵan investitsiia retinde tanylýda. Osy baǵdarlamanyń arqasynda «Samuryq-Qazyna» qory 10-15 jyl ishinde kompaniialar úshin bolashaq menedjerlerdi daiyndap, eldiń túpkir-túpkirinen shyqqan jastardyń armandaǵan mansabyna jol ashýda», - deidi jobany júzege asyrýshy «Samuryq-Qazyna» Korporativtik ýniversitetiniń direktory Beksultan Bekmuratov.
Aitýynsha, «Jas Órken» baǵdarlamasy iske qosylǵan sátten bastap 8 700-den astam ótinish túsken. Jastar arasynda báseke joǵary. 2017-2019 jyldar aralyǵynda oqýyn támámdap, «Jas órkenniń» irikteýinen ótken 53 jas maman qazir jobadaǵy taǵylymdama men rotatsiiany sátti aiaqtady. Árqaisysy Qordyń portfeldik kompaniialaryna jumysqa turdy. Qazirgi ýaqytta 2020 jylǵy irikteýge qatysýshylardyń 20-dan astamy 3 rotatsiiany aiaqtap, 2022 jyly jobany támamdaidy.
Baǵdarlamaǵa qatysýshy jastardyń biri Aslan Qajenov «Jas órken» jobasy qandai múmkindikterge jol ashqanyn aityp berdi.
«Osy joba aiasynda «Qazatomónerkásip» UAK» AQ enshiles kompaniiasy – «KAP Technology» JShS-daǵy rotatsiiam týraly aityp bergim keledi. Kompaniiaǵa kelgen birinshi kúnnen bastap-aq aldaǵy bes aidyń men úshin qanshalyqty mazmundy bolatynyn túsindim jáne qýandym. Rotatsiia kezinde kompaniia jumysynyń erekshelikterimen tanysyp, tálimgerden jańa daǵdylardy úirendim, kóp adammen tanysyp, mansaptyq ósý úshin qajetti tájiribe jinadym», - deidi Aslan Qajenov.
