«Táýelsizdik urpaqtary» atty Jastar jylynyń ashylýynda jas kásipker Rasýl Abdýllaev Elbasy Nursultan Nazarbaevqa elimizdiń imidjin kóterýge baǵyttalǵan jobany tanystyrdy, dep habarlaidy "Ult aqparat".
«Qurmetti Nursultan Ábishuly, Jastar jylynda Sizge shartty ataýy Qazaqstan Respýblikasynyń Marketing ministrligi degen jobasyn usynbaqpyn. Onyń missiiasy - Qazaqstandy álemdik arenada rembrendingileý. Bul barlyq vedomstvolardy damytý men qoldaýda, PR-qyzmetterin jaqsartýǵa, «Rýhani jańǵyrý» ideologiiamyzdyń tanymaldyǵyn arttyrýǵa múmkindik berer edi»,- dedi Rasýl Abdýllaev.
Sonymen qatar ol «Keks» agenttiginiń kómegimen Qazaqstan naryǵyn qamtityn túrli jobalardy jasap jatqandyqtaryn da aitty. Máselen, «YouFrame Burger» meiramhanalar jelisi búginde «Burger King» jáne «McDonalds» syndy brendterge básekeles bolyp otyr. Rasýl aldaǵy 5 jylda dál osyndai 100-den astam meriamhana ashýdy josparlaýda.
«Aldaǵy jyldary júzege asyrýdy josparlap otyrǵan jobalarymyzdy tanystyrýǵa ruqsat etińizder. Eń aldymen, bul - elimizde 4,1 mln jazylýshy aýditoriiasy bar jáne bir aptada 20 mln kórsetilimdi qamtityn «YouFrame» shyǵarmashylyq birlestigi. Bizdiń ujymnyń missiiasy - álem boiynsha qazaqstandyq kontent qurý. Biz sheteldik naryqqa da kirip jatyrmyz jáne Reseidegi aýditoriamyz bir million adamnan asty. Bizdiń shyǵarmashylyǵymyz álemdi tań qaldyrmaqpyz», - dedi ol.
Aita keteiik, Astanada Jastar jylynyń ashylý saltanaty ótip jatyr.
