Nursultan Nazarbaev qory jas ǵalymdarǵa respýblikalyq baiqaý jariialady. Bul jas ǵalymdardyń ǵylymi-zertteý jobalary men jumystaryn qarjylandyrýǵa jáne «Jas ǵalymdardyń úzdik Keńesi» baiqaýyna grant alý úshin qajet, dep habarlaidy "Ult aqparat".
Ǵylymi-zertteý jobalaryna jáne jas ǵalymdardyń Qazaqstan Respýblikasynyń joǵary oqý oryndary men ǵylymi uiymdaryndaǵy ǵylym, tehnologiia jáne tehnikanyń basym baǵyttary boiynsha qoldanbaly ǵylymi saladaǵy izdenisterine2021 jyldyń 26 naýryzy men 25 sáýiri arasynda baiqaý jariialanǵan.
Onyń maqsaty – Qazaqstannyń jas ǵalymdarynyń importqa qabiletti áleýetin, joǵary innovatsiialyq dárejesin jáne áleýmettik mańyzyn kórsetetin, bolashaǵy zor ǵylymi eńbekterin qoldaý.
Bul baiqaýdyń irikteý synyna ǵylymi qyzmetkerler (ǵylymi uiymda, joǵary oqý ornynda nemese onyń ǵylymi bólimshesinde jumys isteitin adamdar), ǵylymi dárejesi bar tulǵalar (ǵylym kandidaty nemese doktory, nemese filosofiia doktory (PhD), óz salasy boiynsha doktor) qatysa alady. Jasy 40-tan aspaýy tiis. Ǵylymi jumystarǵa belsendi qatysyp júrgen Qazaqstan azamaty bolýy kerek.
Jaqynda Jas ǵalymdardyń úzdik keńesin anyqtaý maqsatyndaǵy ekinshi baiqaý bastaldy. Oǵan sońǵy ótinishter 2021 jyldyń 29 sáýirinde qabyldanady.
Bul baiqaý Jas ǵalymdar keńesiniń (JǴK) jumysyn damytýǵa septigin tigizedi. Ol jas ǵalymdardyń bastamalaryn qoldaýǵa, sondai-aq, ǵylymi jobalaryn iske asyrýǵa baǵyttalǵan.
— 2007 jyly Elbasynyń bastamasymen ǵylym salasyndaǵy daryndy jastardy taýyp, marapattaityn jańa organ – Jas ǵalymdar qory quryldy. Keiin ol Nursultan Nazarbaev qory janyndaǵy Ǵylym jónindegi keńeske ainaldy , — deidi PhD, Nursultan Nazarbaev Qory janyndaǵy Ǵylym jónindegi keńes tóraǵasy, QR prezidenti janyndaǵy QÁZI jetekshi ǵylymi qyzmetkeri Ermek Toqtarov . — Qor janyndaǵy Ǵylym jónindegi keńes o bastan Qazaqstannyń jas ǵalymdary óz qabiletin kórsetip, áriptesteriniń qoldaýyna ie bolyp, ózin jáne ǵylymi izdenisterin kórsete alatyn, otandyq ǵylymdy damytýǵa baǵyttalǵan túrli jobalarǵa qatysa alatyn alańǵa ainalǵan. Mundai keshendi jumys basqa uiymdar úshin de úlgi bop otyr. Al jas ǵalym mártebesi elimizdiń qoǵamy men ǵylymi ortasynda berik oryn alǵan.
Aita keteiik, eki baiqaýdyń jeńimpazdary ǵylymi-zertteý jobalary men Jas ǵalymdar keńesiniń jumysyn belsendi túrde júzege asyrýǵa arnalǵan grantqa ie bolady.
Baiqaý erejeleri men tolyq qujattar fnn.kz saitynyń «Jobalar men baiqaýlar» bóliminde jariialanǵan.
Qosymsha aqparatty myna telefon arqyly bilýge bolady.: +7 727 305 36 23.
