Soltústik Qazaqstan oblysynyń ákimi Qumar Aqsaqalov Petropavlda jarylys bolǵan kópqabatty úidiń jaǵdaiyn baryp kórdi, dep habarlaidy QazAqparat.
Qumar Aqsaqalov Petropavldaǵy kópqabatty úide bolǵan jarylystan qaza tapqandardyń otbasylaryna kóńil aitty.
«Qaza tapqandardyń týǵan-týystaryna kóńil aitamyn. Aýrýhanada jatqan 8 adamǵa tezirek táýir bolýlaryna tilektespin. Bolashaqta osyndai jaǵdailarǵa jol bermeý úshin kásipkerlerge kópqabatty úilerde gaz ballonyn qoldanýǵa úzildi-kesildi túrde tyiym salynady», - dedi ol.
Óńir basshysynyń aitýynsha, osy oqiǵaǵa bailanysty arnaiy komissiia qurylady. Oǵan prokýratýra, TJD, kásipkerler palatasynyń ókilderi, kásipkerler jáne Petropavl qalalyq ákimdiginiń mamandary kiredi. Komissiia kópqabatty úilerdiń birinshi qabattarynda ornalasqan kásipkerlik sýbektilerin teksermek.
«Ǵimaratty jónge keltirýge qajet qarajat qala biýdjetinen bólinedi. Páter ielerine birrettik materialdyq kómek beriledi. Bir de bir adam nazarsyz qalmaidy», - dedi SQO ákimi Qumar Aqsaqalov.
Petropavl ardagerler keńesi jáne qalalyq ákimdik zardap shekkenderge kómektesý maqsatynda arnaiy bank esepshotyn ashty. Qaiyrymdylyq kómek kórsetkisi kelgender tómendegi rekvizitter boiynsha qarjy aýdara alady:
BIN 961141002819
«Ardagerler uiymy» RQB Petropavl qalalyq filialy
«BankTsentrKredit» AQ IIK KZ 578560000004453692
BIK KCJBKZKX
KBE 18, KNP 119
Telefon/faks: 8 7152 46-50-71
Esterińizge salaiyq, 21 aqpan kúni Petropavldaǵy 5 qabatty turǵyn úidiń birinshi qabatynda ornalasqan dámhanada gaz ballony jarylyp, eki adam qaza tapty.
Osy oqiǵaǵa bailanysty qylmystyq is qozǵaldy.
Zardap shekkenderdiń úsheýiniń jaǵdaiy aýyr.
