Jambyl oblysynyń Korolevka kentindegi áskeri qoimaǵa eń jaqyn ornalasqan 3 eldi mekende 1 myńnan astam adam turady. QR Tótenshe jaǵailar ministrliginiń málimeti boiynsha olardyń 710-y oblys ortalyǵyny aevakýatsiialanǵan, dep habarlaidy QazAqparat.
Vedomstvonyń baspasóz qyzmeti taratqan málimet boiynsha, órtenip jatqan nysanǵa jaqyn jerde 3 eldi meken ornalasqan. Atap aitsaq, Jibek joly kenti jarylys aýmaǵynan 3 shaqyrym jerde tur. Mundaǵy turǵyndar sany - 378 adam. Úshbulaq stansasy oqiǵa oshaǵynan 8 shaqyrymda jatyr. Halyq sany – 216 adam. Botamoinaq eldi mekeni oqiǵa ornynan 10 shaqyrym jerde ornalasqan. Munda 492 adam turady.
«Órt nysanyna jaqyn jerde 3 eldi mekendegi halyqtyń jalpy sany shamamen 1 086 myń adam. Qazir tańda 710 turǵyn Taraz qalasyna evakýatsiialandy. Jambyl politehnikalyq kolledji men Temirjol kolledjiniń, Qazaq-túrik kolledji men Taraz servis jáne tehnologiia kolledjiniń, Qant-zaýyt kolledji men №5, 6, 10, 44, 23, 9, 12, 8, 54,53 orta mektepterdiń bazasynda daiyndalǵan evakýatsiialaý beketterin 128 adam panalaýda. Qalǵan 582 adam týystarynyń úiine ketken. Halyqqa aqparattyq jáne psihologiialyq kómek kórsetý úshin eki jedel jeli ashyldy. TJM telefondary – 33-32-89, 53-32-79, TJD telefondary – 8 (7262) 51-41-67, 51-37-75, +77788109109», - dep jazady ministrliktiń baspasóz qyzmeti.
Aita keteiik, 26 tamyz kúni saǵat 19:00-de Jambyl oblysynyń Baizaq aýdanynda ornalasqan áskeri bólim qoimalarynyń birinen órt shyǵyp, jarylys boldy.
