2024 jyldyń birinshi jartysynda Qazaqstan Respýblikasynyń Ádilet ministrligi ulttyq zańnamany damytýǵa, azamattar quqyǵyn qorǵaýǵa, halyqaralyq yntymaqtastyqty nyǵaitýǵa, sondai-aq memlekettik qyzmetterdi tsifrlandyrý men avtomattandyrýǵa arnalǵan túrli baǵyttar boiynsha jumys júrgizdi. QR Ádilet ministrliginiń 2024 jyldyń birinshi jartyjyldyǵynda atqaryp jatqan jumysy týraly PrimeMinister.kz saity jazǵan eken.
Norma shyǵarmashylyǵy
QR Ádilet ministrligi ulttyq zańnamany qalyptastyrýǵa belsendi atsalysyp, 102 zań jobasyna quqyqtyq saraptama jáne súiemeldeý júrgizdi, onyń 20-syna Memleket basshysy qol qoidy.
Negizgi zańdardyń ishinde:
- Organikalyq ónim óndirisi men ainalymy týraly;
- Áielder quqyǵy jáne balalar qaýipsizdigi týraly;
-Jańartylatyn energiia kózderin jáne elektr energetikasyn paidalanýdy qoldaý týraly;
- Ǵylym jáne bilim berý týraly zań;
- Densaýlyq saqtaý týraly zań;
- Biznes júrgizý máseleleri týraly zań jáne t.b.
Ministrlik Prezidenttiń 2023 jylǵy 1 qyrkúiektegi «Zańnamalyq aktilerge ziiatkerlik menshik máseleleri boiynsha ózgerister men tolyqtyrýlar engizý týraly» jáne «Norma shyǵarmashylyǵy qyzmetin jetildirý máseleleri týraly» Joldaýyn iske asyrý maqsatynda 2 mańyzdy zań jobasyn ázirledi. Atalǵan zańdar ziiatkerlik menshik quqyqtaryn saqtaý jáne qorǵaýdy qamtamasyz etý úshin qosymsha quqyqtyq quraldardy engizýge, ziiatkerlik menshikti damytý úshin qolaily jaǵdai jasaýǵa, Qazaqstan Respýblikasyna investitsiia tartýǵa jáne kreativti ekonomikany damytýǵa yqpal etedi.
Sonymen qatar normativtik quqyqtyq aktilerdi (NQA) memlekettik tirkeý kezinde biýrokratiiany joiý sharalary qabyldanýda. Memlekettik organdardyń zań qyzmetteriniń sapasy men quzyretin arttyrý jónindegi sharalar kesheni iske asyrylýda.
Quqyqtyq túsindirý jumystary
QR Ádilet ministrligi ázirlenip jatqan jáne qabyldanǵan normativtik quqyqtyq aktilerdi túsindirý jumystaryn kúsheitti. Halyqtyń quqyqtyq saýattylyǵyn arttyrý jáne azamattarǵa tegin zańgerlik kómek kórsetý maqsatynda «Halyq zańgeri» respýblikalyq aktsiiasy uiymdastyryldy, oǵan 1,5 myńǵa jýyq zańger maman qatysyp, 150 myńnan astam azamatqa kómek kórsetildi.
Halyqaralyq yntymaqtastyq
Qazaqstanda onlain formatta ShYU-ǵa múshe memleketter ádilet ministrleriniń 11 keńesin ótkizý, sondai-aq Italiia, Litva, Qytai jáne Singapýrmen birqatar halyqaralyq kelisimder men memorandýmdarǵa qol qoiý mańyzdy oqiǵa boldy. Ministrlik azamattyq ister boiynsha quqyqtyq kómek kórsetý týraly 11 memleketaralyq shart jasasý boiynsha jumys júrgizýde (Saýd Arabiiasy, Braziliia, Argentina, Marokko, Koreia, Singapýr, Malaiziia, Ýkraina, Horvatiia, Ońtústik Afrika jáne Kongomen), 2 Gaaga konventsiiasyn (sot kelisimderin tańdaý týraly jáne ósiettik ókimder nysanyna qatysty zańdar kolliziiasy týraly), 3 hattama (Túrkiia, Minsk konventsiiasy, Kishinev konventsiiasymen), sondai-aq 9 vedomstvoaralyq halyqaralyq sharttar (Japoniia, Qatar, Marokko, Saýd Arabiiasy, BAÁ, RF, Finliandiia, Polsha men Túrkiia ádilet ministrlikterimen yntymaqtastyq týraly memorandýmdar).
Memlekettiń múlik quqyǵyn qorǵaý
Memleket múddesin qorǵaý boiynsha 20 is júrgizý jumysy jalǵasýda, onyń ishinde 13-i halyqaralyq tórelikte, 4-i sheteldik sottarda jáne 3-i sotqa deiingi talqylaýlarda.
Ziiatkerlik menshik quqyǵyn qorǵaý
Quqyqtyq tetikterdi jetildirýge jáne kreativti ekonomikaǵa investitsiia tartýǵa baǵyttalǵan «Ziiatkerlik menshik máseleleri boiynsha zańnamaǵa ózgerister men tolyqtyrýlar engizý týraly» Zań jobasy ázirlendi. Taýar tańbalaryn tirkeýdi jedeldetý, kórý qabileti buzylǵan adamdarǵa jaǵdaidy jaqsartý jáne basqa da sharalar engizildi.
Budan basqa, Dúniejúzilik ziiatkerlik menshik uiymy, QR Ádilet ministrligi, QR Ǵylym jáne joǵary bilim ministrligi jáne Maqsut Narikbayev University arasynda birlesken «Ziiatkerlik menshik quqyǵy jáne biznes quqyǵy» magistrlik bilim berý baǵdarlamasyn iske qosý týraly memorandýmǵa qol qoiyldy. Magistrlik baǵdarlama ziiatkerlik menshik salasynda kadrlar daiarlaýdy júzege asyrýǵa múmkindik beredi.
Qazaqstan Respýblikasy Parlamenti Májilisiniń qaraýyna kórý qabileti nashar adamdardyń jariialanǵan jumystarǵa qol jetkizýin jeńildetetin Marrakesh shartyn ratifikatsiialaý týraly zań jobasy engizildi. Bul zań osy adamdardyń quqyqtaryn qorǵaýǵa jáne olardyń mádeni jáne áleýmettik ómirge teń qol jetkizýin qamtamasyz etýge, sondai-aq qol jetimdi formattaǵy jumystardyń halyqaralyq almasýyna arnalǵan.
Memlekettik qyzmetterdi tsifrlandyrý jáne avtomattandyrý Digital Justice («Tsifrlyq ádilet») baǵdarlamasy sheńberinde atqarýshylyq is júrgizýdi avtomattandyrý jáne zańdy tulǵalardy tirkeý jobalary iske asyryldy.
Atqarýshylyq is júrgizýshi robot
Qańtar aiynda Taraz qalasynda sot oryndaýshysynyń qatysýynsyz avtomatty túrde atqarýshylyq is júrgize alatyn «Robot» pilottyq jobasy iske qosyldy. Bul azamattardy komissiia tóleýden bosatyp, 2 mlrd teńgege jýyq qarajatty únemdeýge múmkindik beredi. Tamyz aiynda jobany búkil el boiynsha taratý josparlanyp otyr.
Zańdy tulǵalardy tirkeýdi avtomattandyrý
Kommertsiialyq emes uiymdardy tirkeý endi «Elektrondy úkimet» portalynda tolyq qoljetimdi. Bul bastama halyqqa qyzmet kórsetý ortalyǵyna keletin zańdy tulǵalardyń ýaqyty men shyǵynyn únemdeýge múmkindik beredi. Sondai-aq eGov portalynda quryltaishylardyń zańdy tulǵa basshysyn aýystyrý tártibi jeńildetildi.
Zańdy tulǵalarǵa arnalǵan tsifrlyq senimhat
QR Ádilet ministrligi eGovMobile Business arqyly onlain senimhattar berý jobasyn iske qosty. Qyzmet basshylardyń senimhat berý protsesin edáýir jedeldetedi ári jeńildetedi. Buǵan deiin senimhattar tek qaǵaz júzinde ǵana beriletin, bul ýaqytty qajet etip, olardyń zańdylyǵyn tekserýdi qiyndatty.
Biryńǵai habarlama núktesi
Alaiaqtyqpen kúresý úshin 1414-ten SMS jáne EGov-mobile push-habarlamalary arqyly azamattardy habardar etetin pilottyq joba iske qosyldy. Buryn habarlamalar poshta arqyly jiberilse, endi senimdi elektrondy arnalar arqyly keledi.
Ótken jyly ádilet organdaryna notariýstar men sot oryndaýshylarynyń áreketterine qatysty 40 myńnan astam aryz-shaǵym túsken. Azamattar tutqyndaýǵa nemese shekteýlerge tap bolǵanǵa deiin notariýstardyń sheshimderi týraly bilmegenderine shaǵymdandy.
