2021 jyldyń 6 aiynda jemqorlyq faktisi boiynsha 658 adam qylmystyq jaýapkershilikke tartylǵan. Onyń 61-i – respýblikalyq jáne oblystyq deńgeidegi basshylar, dep habarlaidy "Ult aqparat".
Sybailas jemqorlyqqa qarsy is-qimyl agenttiginiń tóraǵasy Marat Ahmetjanov ve do mstvonyń alqa májilisinde osyndai derekter keltirdi.
«Statistika sybailas jemqorlyq qylmystaryn tirkeýdiń 35%-ǵa nemese1540-tan 1005-ke deiin tómendegenin kórsetedi. Sonymen qatar, jyldyń 6 aiynda 658 adam qylmystyq jaýapkershilikke tartyldy. Olardyń 61-i respýblikalyq jáne oblystyq deńgeidegi basshy jáne vitse-ministr, 3 sýdia. 7 óńirlik ákim men olardyń orynbasarlary áshkerelendi», - dedi sybailas jemqorlyqqa qarsy qyzmet basshysy.
Onyń sózine qaraǵanda, atalǵan áreketterden kelgen zalaldyń 15 mlrd teńgesi qazynaǵa qaitarylǵan.
Marat Ahmetjanov 6 aidyń ishinde biznestiń jumysyna orynsyz kiligýdiń 60 jaǵdaiy, kóleńkeli ekonomika sýbektilerine qamqorlyq jasaýdyń 45 faktisi, júieli sybailas jemqorlyqtyń 61 faktisi tirkelgen.
