Jarkentte er adam qyzǵanyshtan súiiktisiniń úiin órtep jibergen, - dep habarlaidy Tengrinews.kz agenttigi Polisia.kz Telegram arnasyna silteme jasap.
Politseiler málimetinshe, Panfilov aýdandyq politsiia bólimine 60 jastaǵy er adam úiin órtep jibergen belgisiz bireýge shara qoldaný týraly jazbasha ótinishpen júgingen. Jábirlenýshi aldyn ala shyǵyndy 25 million teńgege baǵalaǵan.
"Jedel izdestirý sharalary barysynda politsiia qyzmetkerleri qasaqana órt qoidy degen negizdi kúdikke ilingen 24 jastaǵy jergilikti turǵyndy anyqtady. Kúdikti osy úide turatyn qyzdy tanityn bolyp shyqty. Ol onyń telefon qońyraýlaryna jaýap bermegen, bul onyń ashýyn jáne qyzǵanyshyn týdyrǵan. Artynsha ol úige jasyryn kirip, ony ishinen órtep jiberedi. Órt oqshaýlanyp, kórshi úiler men turǵyn úilerge taralý qaýpi joiylǵan", - dedi politsiiadaǵylar.
Derek boiynsha Qazaqstan Respýblikasy Qylmystyq kodeksiniń 202-baby 2-bóligi "Qasaqana órt qoiý" boiynsha sotaldy tergeý bastaldy. Saraptama taǵaiyndaldy. Ustalǵanǵa qatysty "kelýge mindetti" protsessýaldyq májbúrleý sharasy tańdaldy.
