Qazaqstandyq mánerlep syrǵanaýshy, Olimpiada oiyndarynyń qola júldegeri Denis Ten tamyzda alǵan jaraqatynan aiyǵyp, muz aidynyna qaita oralatynyn málimdedi, dep habarlaidy "Ult aqparat".
Sportshy óner kórsetetin baǵdarlamalardyń biri Dimash Qudaibergen oryndaǵan frantsýzsha SOS d'un terrien en détresse kompozitsiiasymen súiemeldenedi. Tanymal ánshi Instagramdaǵy paraqshasynda Qazaqstannyń maqtanyshy dep atap, sportshyǵa sáttilik tiledi.
«Jyly sózderiń úshin rahmet. Seniń ánińe bileý - maǵan úlken mártebe. Osy kompozitsiiaǵa olimpiada jylynda úlken úmit artyp otyrmyz. Eki ai buryn sporttyq mansabymda eń aýyr jaraqat alǵan edim... Biraq dárigerlerdiń boljamyna qaramastan, osy aptada Frantsiiada birikken shyǵarmamyzdy jurtshylyqqa usyný baqyty buiyrdy», - dep jaýap qatty sportshy.
Denis Ten biyl tolyq ońalý úshin kóp jumys isteýi, saǵattap jattyǵýy qajet ekenin tilge tiek etti.
Eske sala keteiik, sportshy 10 tamyz kúni Koreiadaǵy «Ice Festa» shoýy qarsańynda jaraqat alyp qalǵan bolatyn.
