QR Adam quqyqtary jónindegi ýákil Elvira Ázimova eldegi tártipsizdikter kezinde ustalǵandardyń kópshiligi urlyq pen maroderlyq úshin aiyptalyp jatqanyn aitty, dep habarlaidy QazAqparat.
«Men sóilesken tutqyndardyń arasynda óz derekterin jariia etýge, jaqyndaryna ustaý faktisi týraly habarlaýǵa qarsylyq tanytqandar da boldy. Olar óz jaqyndaryna ziian keltirgisi kelmeitinderin jáne uialatyndaryn aitty. Barlyq faktiler tekserilip, ádilettilik ornaidy dep úmittendi. Qazirgi ýaqytta ustalǵandardyń kópshiligi urlyq jasaý men maroderlik úshin aiyptalyp otyrǵanyn atap ótkim keledi.Bul faktilerdi de nazardan tys qaldyrýǵa bolmaidy. Ustalǵandardyń arasynda qarapaiym turǵyndar bar, olar jasaǵan áreketteri úshin jaýapkershilikti tolyq túsinbegen», - dedi Elvira Ázimova Ortalyq kommýnikatsiialar qyzmetinde ótken baspasóz máslihatynda.
Buǵan deiin spiker óńirlerdegi ýaqytsha ustaý izoliatorlaryna baryp, qamaýǵa alynǵan azamattarmen suhbattasqanyn aitqan edi. Birneshe kúnde olar 11 óńirdegi 34 mekemege barǵan.
