VALERY SHARIFULIN/TASS
El óńirlerinde bolǵan tártipsizdikter kezinde ákimshilik ǵimarattar men kommertsiialyq jyljymaityn múlik obektileri búlinip, eleýli zalal keltirildi, dep habarlaidy QazAqparat.
Ákimdikterdiń jedel derekteri boiynsha 8 óńirde jóndeýdi jáne qalpyna keltirýdi qajet etetin 53 memlekettik nysan (Almaty qalasy – 21, Shymkent – 6, ShQO – 2, Almaty – 6, Jambyl – 7, Qyzylorda – 9, Atyraý – 1, Aqtóbe oblystary-1) bar.
«Atameken» UKP-nyń aldyn ala aqparatyna sáikes, el boiynsha jyljymaly (kólikter, arnaiy tehnikalar) jáne jyljymaityn múlikter (ǵimarattar men qurylystar), sondai-aq taýarlyq-materialdyq qundylyqtardy qosa eseptegende 1 300-den astam shaǵyn jáne orta biznes obektisi zardap shekti.
Qazirgi ýaqytta barlyq óńirde keltirilgen zalaldy tekserý jáne baǵalaý jónindegi tiisti komissiialar quryldy.
Aldyn ala tekserý boiynsha kommertsiialyq nysandardyń 221 ǵimaratyna eleýli zalal keltirilgen jáne jóndeý-qalpyna keltirý jumystaryn qajet etedi. Onyń ishinde Almaty qalasynda 215 obekt, ShQO-da 6 obekt bar. Shymkent qalasynda 2 nysan qalpyna keltirildi.
Osy obektiler boiynsha tehnikalyq saraptamalyq tekserý júrgizilip, tehnikalyq qujattamalar jasalady jáne jóndeý jumystarynyń quny anyqtalady.
Joǵaryda kórsetilgen jumystar júrgizilgennen keiin jóndeý-qalpyna keltirý úshin obektiler men shyǵyndardyń naqty kólemi aiqyndalady.
Osydan keiin ákimdikter zardap shekken adamdarǵa ótemaqy tóleidi.
Keltirilgen zalaldy óteý sharalaryn jedeldetý úshin ákimdikter «Atameken» UKP-men birlesip jyljymaityn múlikti rastaityn qujattaryn jinaqtaidy.
Tergeý sharalaryna bailanysty zertteý júrgizý úshin keibir obektilerge kirýge shekteý qoiylǵanyn aita ketý kerek.
Obektilerdi qalpyna keltirý boiynsha joǵaryda kórsetilgen barlyq is-áreketter Memlekettik komissiia ázirlegen biryńǵai algoritm boiynsha júzege asyrylady.
Barlyǵynyń mindetteri bólinip, árbir memlekettik organ búlingen obektilerdi jedel qalpyna keltirý jumystaryna tartylady.
