Almatyda jappai tártipsizdik kezinde jalǵa berilgen 170 velosiped urlandy. Bul týraly qalalyq Mobildilik basqarmasynyń basshysy Ǵani Myrzahanov málim etti, dep habarlaidy QazAqparat.
«220 velosiped pen 21 Almaty Bike velostantsiiasy buzyldy. Oǵan qosa 170 velosiped urlanǵan. Qazirgi ýaqytta aqparattyq júieni qalpyna keltirý jáne tekserý jumystary júrgizilýde. Halyqqa qyzmet kórsetýdi jańartý 20 qańtarǵa deiin josparlanǵan», - dedi Ǵani Myrzahanov.
Onyń aitýynsha, zaqymdalǵan velosipedterdi jóndeý jáne urlanǵan velosipedterdi qalpyna keltirý úshin qosymsha 370 mln teńge bólý máselesi qaralyp jatyr.
