200-den astam kúdiktige qoǵamnan oqshaýlaýmen bailanysty emes bultartpaý is-sharasy qoldanyldy. Bul týraly IIM tergeý departamentiniń bastyǵy Sanjar Ádilov aitty, dep habarlaidy QazAqparat.
«Ishki ister ministrligi ustalǵandardyń jeke basyn eskere otyryp, qylmystyq is júrgizý zańynda kózdelgen negizder boiynsha kúdiktilerdi qamaýdan bosatý jóninde de jumys júrgizýde. Ótken aptada qadaǵalaýshy prokýrormen kelise otyryp, 9 adamǵa qatysty bultartpaý sharasy - úi qamaǵyna, 6 adamdyki - eshqaida ketpeý týraly qolhat alýǵa ózgertildi. Bul rette bosatylǵan adamdar tarapynan shaǵym túsken joq», - dedi ol ortalyq kommýnikatsiialar qyzmetindegi brifing barysynda.
Onyń atap ótýinshe, keibir kúdiktiler jasaǵan qylmysynyń jeńildigin eskere otyryp qamaýǵa alynbady.
Olarǵa qoǵamnan oqshaýlaýmen bailanysty emes bultartpaý sharasy qoldanyldy.
«Qazirgi ýaqytta qamaýǵa alynǵandardy qospaǵanda mundai kúdiktilerdiń sany 200-den asady», - dedi Sanjar Ádilov.
