200-دەن استام كٷدٸكتٸگە قوعامنان وقشاۋلاۋمەن بايلانىستى ەمەس بۇلتارتپاۋ ٸس-شاراسى قولدانىلدى. بۇل تۋرالى ٸٸم تەرگەۋ دەپارتامەنتٸنٸڭ باستىعى سانجار ەدٸلوۆ ايتتى, دەپ حابارلايدى قازاقپارات.
«ٸشكٸ ٸستەر مينيسترلٸگٸ ۇستالعانداردىڭ جەكە باسىن ەسكەرە وتىرىپ, قىلمىستىق ٸس جٷرگٸزۋ زاڭىندا كٶزدەلگەن نەگٸزدەر بويىنشا كٷدٸكتٸلەردٸ قاماۋدان بوساتۋ جٶنٸندە دە جۇمىس جٷرگٸزۋدە. ٶتكەن اپتادا قاداعالاۋشى پروكۋرورمەن كەلٸسە وتىرىپ, 9 ادامعا قاتىستى بۇلتارتپاۋ شاراسى - ٷي قاماعىنا, 6 ادامدىكٸ - ەشقايدا كەتپەۋ تۋرالى قولحات الۋعا ٶزگەرتٸلدٸ. بۇل رەتتە بوساتىلعان ادامدار تاراپىنان شاعىم تٷسكەن جوق», - دەدٸ ول ورتالىق كوممۋنيكاتسييالار قىزمەتٸندەگٸ بريفينگ بارىسىندا.
ونىڭ اتاپ ٶتۋٸنشە, كەيبٸر كٷدٸكتٸلەر جاساعان قىلمىسىنىڭ جەڭٸلدٸگٸن ەسكەرە وتىرىپ قاماۋعا الىنبادى.
ولارعا قوعامنان وقشاۋلاۋمەن بايلانىستى ەمەس بۇلتارتپاۋ شاراسى قولدانىلدى.
«قازٸرگٸ ۋاقىتتا قاماۋعا الىنعانداردى قوسپاعاندا مۇنداي كٷدٸكتٸلەردٸڭ سانى 200-دەن اسادى», - دەدٸ سانجار ەدٸلوۆ.
