Japoniianyń batysyndaǵy Kobe qalasynyń biligi bul aimaqta virýs juqtyrǵandardyń arasynda koronavirýstyń jańa britandyq shtamyn juqtyrǵandar sany kóbeigenin málim etti, dep habarlaidy NHK telearnasy.
Aqpannyń birinshi aptasynda olardyń úlesi 4,6%, ekinshi aptada – 10,5%, úshinshi aptada – 15,2% boldy. Osy aýrýǵa shaldyqqan adamdardyń kóbeiýine bailanysty qala biligi jańa shtamnyń taralýyn baqylaý úshin júrgiziletin testileýler sanyn kóbeitý týraly sheshim qabyldady.
Japoniia biligi 2020 jyldyń 28 jeltoqsanynan bastap koronavirýstyń jańa shtamdarynyń taralýyna bailanysty álemniń barlyq eli men aimaqtarynyń azamattaryna jańa vizalar berýdi toqtatty. Keiinnen bul shekteý merzimi elde tótenshe jaǵdai rejiminiń engizilýine bailanysty 7 naýryzǵa deiin uzartyldy.
Sońǵy málimetter boiynsha, epidemiianyń barlyq kezeńinde Japoniia aýmaǵynda koronavirýsty juqtyrý jaǵdailarynyń sany 434 myńnan asady, 7,9 myń ólim jaǵdaiy tirkeldi.
