Sársenbiniń tańynda Japoniianyń ońtústik-batysynda bastalǵan nóser tolassyz jaýdy. Ózender arnasynan tasi bastaǵan soń, jergilikti biliktiń júzdegen myń adamdy qaýipsiz jerge kóshirýine týra keldi, dep habarlaidy Kyodo agenttigi.
Japoniia Meteorologiia agenttigi ólkede buryn-sońdy mundai nóser jaýǵan emes dep málimdedi.
Topan sý kem degende bir adamnyń ómirin qidy. Kiýsiý aralynyń teriskeiine oryn tepken Takeo qalasynda shaǵyn kólikti sý aǵyzyp ketip, ishindegi er adam jazym bolǵan. Takeoǵa kórshiles otyrǵan Saga qalasynda da bir áiel mingen kólikti sý aǵyzyp ketti degen habarlar tarap jatyr.
Budan bólek, politsiia Fýkýoka prefektýrasynyń Iame qalasynda da bir adam qurban bolýy múmkin dep otyr.
Fýkýoka, Saga jáne Nagasaki prefektýralary 669 000 myń adamdy evakýatsiialaýǵa sheshim qabyldady. Atalǵan prefektýralardyń kóp bóliginde joldar jabylyp, poiyz qatynasy toqtaǵan.
Búgin tańerteń Saga qalasynda 110 mm jańbyr jaýǵan.
Sinoptikter aldaǵy kúnderi Kiýsiý aralyndaǵy jaýyn-shashyn mólsheri 200 mm-ge deiin, al Tokio jáne Sidzýoka prefektýralarynda 180 mm-ge jetetinin aityp, dabyl qaǵýda.
