سەرسەنبٸنٸڭ تاڭىندا جاپونييانىڭ وڭتٷستٸك-باتىسىندا باستالعان نٶسەر تولاسسىز جاۋدى. ٶزەندەر ارناسىنان تاسي باستاعان سوڭ, جەرگٸلٸكتٸ بيلٸكتٸڭ جٷزدەگەن مىڭ ادامدى قاۋٸپسٸز جەرگە كٶشٸرۋٸنە تۋرا كەلدٸ, دەپ حابارلايدى Kyodo اگەنتتٸگٸ.
جاپونييا مەتەورولوگييا اگەنتتٸگٸ ٶلكەدە بۇرىن-سوڭدى مۇنداي نٶسەر جاۋعان ەمەس دەپ مەلٸمدەدٸ.
توپان سۋ كەم دەگەندە بٸر ادامنىڭ ٶمٸرٸن قيدى. كيۋسيۋ ارالىنىڭ تەرٸسكەيٸنە ورىن تەپكەن تاكەو قالاسىندا شاعىن كٶلٸكتٸ سۋ اعىزىپ كەتٸپ, ٸشٸندەگٸ ەر ادام جازىم بولعان. تاكەوعا كٶرشٸلەس وتىرعان ساگا قالاسىندا دا بٸر ەيەل مٸنگەن كٶلٸكتٸ سۋ اعىزىپ كەتتٸ دەگەن حابارلار تاراپ جاتىر.
بۇدان بٶلەك, پوليتسييا فۋكۋوكا پرەفەكتۋراسىنىڭ يامە قالاسىندا دا بٸر ادام قۇربان بولۋى مٷمكٸن دەپ وتىر.
فۋكۋوكا, ساگا جەنە ناگاساكي پرەفەكتۋرالارى 669 000 مىڭ ادامدى ەۆاكۋاتسييالاۋعا شەشٸم قابىلدادى. اتالعان پرەفەكتۋرالاردىڭ كٶپ بٶلٸگٸندە جولدار جابىلىپ, پويىز قاتىناسى توقتاعان.
بٷگٸن تاڭەرتەڭ ساگا قالاسىندا 110 مم جاڭبىر جاۋعان.
سينوپتيكتەر الداعى كٷندەرٸ كيۋسيۋ ارالىنداعى جاۋىن-شاشىن مٶلشەرٸ 200 مم-گە دەيٸن, ال توكيو جەنە سيدزۋوكا پرەفەكتۋرالارىندا 180 مم-گە جەتەتٸنٸن ايتىپ, دابىل قاعۋدا.
