Foto: Kvesti.kz
Qazaqstan Shyǵys Aziiadaǵy týristik baǵyt retinde óz ornyn nyǵaityp keledi. Ótken jyly elimizge 9200-den astam japon týristi kelgen. Bul kórsetkish 2023 jylmen salystyrǵanda 38%-ǵa joǵary, dep habarlaidy Ult.kz.
Kelýshiler leginiń artýy Qazaqstan men Japoniia arasyndaǵy týrizm salasynda yntymaqtastyqty keńeitýge negiz bolyp otyr. Osy maqsatta Tokio men Osaka qalalarynda qazaqstandyq týroperatorlar Skyway, Kompass jáne MLtour ulttyq áýe tasymaldaýshy Air Astana-men birlesip, Japoniianyń jetekshi HIS, JATA, JTB, Otomo Travel, Tairiku Travel, All Seasons Travel kompaniialarymen kezdesýler ótkizdi. Japon seriktesterine elimizdiń týristik áleýeti, jańa baǵyttar men qyzmetter tanystyryldy.
Qazaqstandyq delegatsiia Osakadaǵy EKSPO-2025 alańynda ótken iskerlik baǵdarlamaǵa qatysyp, «Kazakh Tourism» ulttyq kompaniiasy QazExpoCongress qoldaýymen V2V formattaǵy kezdesýler uiymdastyrdy. Bul kezdesýlerde Air Astana, «Karavansaray Turkistan» kesheni jáne «Open Turkistan» týristik aqparattyq ortalyǵy óz jobalaryn usyndy.
— Japon týristeriniń tarapynan Qazaqstanǵa degen qyzyǵýshylyqtyń artyp kele jatqany qýantady. Biz bul eldiń kompaniialarymen tyǵyz áriptestik ornatýǵa múddelimiz. Bul — Qazaqstannyń týristik áleýetin tanytýǵa ári ekijaqty bailanystardy damytýǵa yqpal etetin mańyzdy qadam, — dedi «Kazakh Tourism» UK» AQ Basqarma tóraǵasynyń m.a. Daniel Serjanuly.
Ótkizilgen kelissózder japondyq naryqta Qazaqstanǵa degen qyzyǵýshylyqtyń joǵary ekenin kórsetti. Sarapshylardyń aitýynsha, bul aldaǵy ýaqytta birlesken jobalardyń damýyna jáne týrizm aǵynyn odan ári arttyrýǵa jol ashady.
