20 naýryz kúni japon qalasy Saitamada mánerlep syrǵanaýdan Álem chempionaty ótedi. Oǵan qazaqstandyq jas sportshy Elizabet Tursynbaeva qatysady, dep habarlaidy QazAqparat tilshisi.
Chempionat aiasynda 20-24 naýryz aralyǵynda SAITAMA SUPER ARENA ǵimaratynyń 212-213 sektorlarynda Denis Tendi eske alýǵa arnalǵan fotokórme ótedi.
«Kórmege Denis Ten qatysqan barlyq bairaqty básekelerdiń sýreti qoiylady. Sonymen qatar, Denis Ten ózi negizin qalaǵan muz shoýynyń sátteri, juldyzdardyń portretteri qoiylady», - dep jazylǵan Denis Ten qorynyń Instagram paraqshasynda. Kórmeni Denis Ten qory uiymdastyryp otyr.
