Japoniiada «Hagibis» taifýny saldarynan qaza tapqandar sany 67 adamǵa jetti, dep habarlaidy NHK telearnasy.
200-den astam adam jaraqat alǵan, taǵy 10 shaqty adam habar-osharsyz ketken.
«Hagibis» taifýny kúnshyǵys eline ótken demalys kúnderi jetken edi. Kei óńirlerde eki kún ishinde jaýyn-shashynnyń eki ailyq mólsheri jaýǵan. 37 ózenge qurylǵan bógenderdiń 52-sin sý shaiyp ketti. Jalpy, 16 prefektýradaǵy 161 ózen arnasynan tasyǵan. Sonyń saldarynan turǵyn alaptary sý astynda qaldy. Ásirese Fýkýsima, Miiagi, Kanagava, Totigi, Saitama, Nagano, Sidzýoka prefektýralary zor shyǵynǵa batyp otyr.
Elde 34 myń páter jaryqsyz qaldy, 130 myń úide sý joq.
Apat saldaryn joiýǵa 11 myń adam jumyldyryldy.
