Tokiodaǵy Olimpiada oiyndarynyń uiymdastyrý komiteti olimpiada alaýy estafetasyn ótkizý kezinde koronavirýstyń taralýyna qarsy is-qimyl josparyn jariialady, dep habarlaidy Kyodo News agenttigi.
Onyń ishinde eger belgili bir talaptar oryndalmasa estafetanyń toqtatylýy múmkin ekeni aitylǵan.
Qujatqa sáikes, eger alaý júrip ótetin baǵytta adam tym kóp jinalsa estafeta toqtatylýy múmkin. Osyǵan bailanysty uiymdastyrý komiteti jergilikti turǵyndardy alaýmen júgirip ótý rásimin tikelei efirden ǵana tamashalaýǵa shaqyrady.
Uiymdastyrýshylar da maska taǵý, áleýmettik qashyqtyq saqtaý, dezinfektsiia quraldaryn paidalaný syndy qaýipsizdik sharalarynyń barlyǵy saqtalý qajettigin atap ótti.
Olimpiada alaýy estafetasyna qatysatyn tanymal adamdardy uiymdastyrýshylar tolyǵymen qorǵaý múmkin bolatyn aimaqtarǵa jetkizedi.
