Costa Atlantica krýiz kemesiniń ekipaj músheleriniń arasynda koronavirýs infektsiiasyn 30-dan astam adamnyń juqtyrǵany anyqtaldy.
Bul týraly QR Prezidenti janyndaǵy Tótenshe jaǵdai rejimin qamtamasyz etý jónindegi Memlekettik komissiianyń Jedel shtaby habarlady.
Jedel shtab taratqan málimetterge qaraǵanda, 25 naýryzda Costa Atlantica laineri profilaktika jáne jóndeý jumystaryn júrgizý úshin jolaýshylarsyz Nagasaki portyna jetkizilgen. Lainer barlyq jumystar aiaqtalǵannan keiin sáýir aiynyń sońynda porttan ketýi kerek edi. Alaida, sáýir aiynyń ortasynda ekipaj músheleriniń birinen koronavirýs infektsiiasy tabyldy.
KVI testin tapsyrǵan 57 komanda múshesiniń 34-iniń koronavirýsty juqtyrǵany rastaldy. Kemede barlyǵy 623 adam bar.
Japoniiada COVID-19 anyqtalǵan adamdar sany 12 myń 255 adamdy qurady, onyń ishinde Diamond Princess krýiz kemesinde virýsty juqtyrǵan 712 adam bar. 296 adam kóz jumdy, 236 adamnyń jaǵdaiy aýyr dep baǵalanyp otyr. 2001 adam saýyǵyp shyqqan.
