Sársenbi kúni Japoniia bir táýlikte 2679 adamnyń koronavirýs juqtyryp, 555 adamnyń simptomdary aýyr ekenin habarlady. Bul - pandemiia bastalǵaly tirkelgen eń joǵary kórsetkish, dep habarlaidy Kyodo News agenttigi.
Tokioda infektsiiaǵa shaldyǵýdyń 572 oqiǵasy tirkeldi. Senbi kúni el astanasynda indetke shaldyqqan 584 adam tirkeldi, bul da rekordtyq kórsetkish.
Meditsina qyzmetkerleri jetispegendikten qurlyqtaǵy kúshter óz medbikelerin Japoniianyń soltústigindegi qalaǵa jiberdi. Olar sol kúni-aq Hokkaido, Asahikavadaǵy mekemelerde jumys isteýdi bastady.
Qorǵanys ministri Nobýo Kisi seisenbi kúni GSDF-tiń 10 medbikesi Hokkaido gýbernatory Naomiti Sýdzýkidiń suranysy boiynsha Asahikavaǵa jiberiletinin málimdedi.
Hokkaidodaǵy iri qalalarda, sondai-aq Tokio men Osaka syndy qala aýdandarynda qarashadan beri koronavirýs juqtyrǵandar sanynyń artqany baiqalady. Oǵan qosa aýrýhana oryndary men naýqastarǵa arnalǵan mekemelerde oryn tapshylyǵy baiqalýda. Bul densaýlyq saqtaý júiesiniń kúireýine ákep soǵýy múmkin degen kúdik bar.
