Japoniia úkimeti eldiń jańa imperatory Narýhitonyń taqqa otyrýyna bailanysty sotty bolǵan 550 myń adamǵa raqymshylyq jariialaýdy kózdep otyr, dep habarlaidy "Ult aqparat" Yomiuri Shimbun basylymyna silteme jasap.
Resmi derekkózderdiń málimdeýinshe, raqymshylyqtyń egjei-tegjeii týraly sońǵy sheshimdi el úkimeti osy aptanyń aiaǵyna qarai qabyldaidy. Sodan keiin ony monarh maquldaýy qajet.
Buǵan deiin Japoniiada 1990 jyly – imperator Akihito taqqa otyrǵanda isti bolǵan 2,5 mln adamǵa raqymshylyq jasalǵan. Endi imperator taqty óz erkimen uly Narýhitoǵa tapsyrdy.
Imperator Narýhito biyl 1 mamyrda taqqa otyrǵan. Sol kezde oǵan memlekettiń bas móri men imperator móri, memlekettik simvoldar tapsyrylǵan.
Biraq jańa imperatordyń taqqa otyrýyna bailanysty basty saltanattar 22 qazan kúni jáne qarasha aiynda ótedi.
