Japoniia úkimeti tolyǵymen otstavkaǵa ketti. Qazirgi premer-ministr Fýmio Kisida jetekshilik etetin eldiń jańa úkimetiniń quramy keiinirek jariialanady, dep habarlaidy Ulysmedia.kz portaly RIA Novosti agenttigine silteme jasap.
Jergilikti basylymdardyń habarlaýynsha, Japoniia ministrler kabinetiniń kezekten tys otyrysy Tokio ýaqyty boiynsha 11:30-da (Nur-Sultan ýaqyty boiynsha 08:30) bastaldy. Alǵashynda jańa úkimetti qurýdy Kisida osy jyldyń qyrkúiek aiynyń basyna josparlaǵan bolatyn.
Biraq "jańa kapitalizm" ekonomikalyq kontseptsiiasyn ilgeriletýdi jedeldetý, azyq-túlik pen janar-jaǵarmai baǵasynyń ósýine bailanysty qajetti sharalardy qabyldaý, sondai-aq parlament sessiiasyna aldyn ala daiyndalý maqsatynda ony qazir ótkizý týraly sheshim qabyldanǵan.
Aǵylshyn tilindegi Kyodo saitynyń habarlaýynsha, Kisida ákimshiligindegi aqparat kózderi ministrler kabinetiniń bas hatshysy Hirokazý Matsýno, Syrtqy ister ministri Iosimasa Haiasi jáne Qarjy ministri Shýnichi Sýdzýki óz qyzmetinde qalatynyn málimdegen.
