جاپونييا ٷكٸمەتٸ تولىعىمەن وتستاۆكاعا كەتتٸ. قازٸرگٸ پرەمەر-مينيستر فۋميو كيسيدا جەتەكشٸلٸك ەتەتٸن ەلدٸڭ جاڭا ٷكٸمەتٸنٸڭ قۇرامى كەيٸنٸرەك جارييالانادى, دەپ حابارلايدى Ulysmedia.kz پورتالى ريا نوۆوستي اگەنتتٸگٸنە سٸلتەمە جاساپ.
جەرگٸلٸكتٸ باسىلىمداردىڭ حابارلاۋىنشا, جاپونييا مينيسترلەر كابينەتٸنٸڭ كەزەكتەن تىس وتىرىسى توكيو ۋاقىتى بويىنشا 11:30-دا (نۇر-سۇلتان ۋاقىتى بويىنشا 08:30) باستالدى. العاشىندا جاڭا ٷكٸمەتتٸ قۇرۋدى كيسيدا وسى جىلدىڭ قىركٷيەك ايىنىڭ باسىنا جوسپارلاعان بولاتىن.
بٸراق "جاڭا كاپيتاليزم" ەكونوميكالىق كونتسەپتسيياسىن ٸلگەرٸلەتۋدٸ جەدەلدەتۋ, ازىق-تٷلٸك پەن جانار-جاعارماي باعاسىنىڭ ٶسۋٸنە بايلانىستى قاجەتتٸ شارالاردى قابىلداۋ, سونداي-اق پارلامەنت سەسسيياسىنا الدىن الا دايىندالۋ ماقساتىندا ونى قازٸر ٶتكٸزۋ تۋرالى شەشٸم قابىلدانعان.
اعىلشىن تٸلٸندەگٸ Kyodo سايتىنىڭ حابارلاۋىنشا, كيسيدا ەكٸمشٸلٸگٸندەگٸ اقپارات كٶزدەرٸ مينيسترلەر كابينەتٸنٸڭ باس حاتشىسى حيروكازۋ ماتسۋنو, سىرتقى ٸستەر مينيسترٸ يوسيماسا حاياسي جەنە قارجى مينيسترٸ شۋنيچي سۋدزۋكي ٶز قىزمەتٸندە قالاتىنىن مەلٸمدەگەن.
