Foto: RIA Novosti
Japoniia úkimetiniń basshysy bolyp Sigerý Isiba sailandy. Onyń kandidatýrasyna parlament depýtattarynyń kópshiligi daýys berdi. Daýys berý nátijeleri boiynsha, Japoniiadaǵy bileýshi Liberaldy-demokratiialyq partiianyń (LDP) jetekshisi Sigerý Isiba eldiń premer-ministri qyzmetin atqarady.
TASS agenttiginiń málimeti boiynsha, tómengi palatanyń 465 depýtatynyń 291-i oǵan daýys berdi. Isibanyń qarsylasy, Konstitýtsiialyq-demokratiialyq partiianyń jetekshisi Iosihiko Noda 100 daýys jinady.
RIA Novosti habaryna sensek, Isibanyń sailanýy kóbinese formaldilik bolǵan, sebebi bileýshi koalitsiianyń quramyndaǵy LDP jáne "Komeito" partiiasy parlamenttiń tómengi jáne joǵarǵy palatalarynda kópshilik orynǵa ie. Joǵarǵy palatada daýys berý jaqyn arada ótedi.
Eske sala keteiik, Japoniia úkimeti premer-ministr Fýmio Kisidanyń basshylyǵymen otstavkaǵa ketti. Buǵan deiin, tamyzda, Kisida óziniń Liberaldy-demokratiialyq partiianyń jetekshisi laýazymyna kandidatýrasyn usynbaitynyn rastady.
Degenmen ol saiasatta qalatyn jáne jańa partiia jetekshisin qoldaitynyn aitty. Kisida Japoniia úkimetin 2021 jyldyń qazanynda basqardy – sailaýda ol bileýshi partiianyń jetekshisi jáne eldiń premer-ministri boldy. Saiasatker Japoniianyń júzinshi premer-ministri retinde ataldy. Buǵan deiin ol uzaq jyldar boiy Japoniianyń syrtqy ister ministri qyzmetin atqarǵan.
BBC málimetinshe, Ishiba partiia ishinde tanymal emes saiasatker bolyp sanalady. Munyń sebebi - liberaldy kózqarastary. Atap aitqanda, Isiba áielderdiń quqyqtaryn imperiialyq taqqa kelý múmkindigine deiin keńeitýdi jaqtaidy.
Basylym sarapshylarynyń aitýynsha, infliatsiianyń kúsheiýi, ekonomikadaǵy toqyraý jáne LDP-nyń áleýmettik salasyndaǵy problemalar aiasynda "yńǵaisyz" kandidat ózine degen senimdi qalpyna keltirýge tyrysady.
.jpg)