Japoniia premer-ministr Iosihide Sýga Tokiodaǵy Olimpiada oiyndary eldegi COVID-19 jaǵdaiyna bailanysty kórermendersiz ótýi múmkin ekendigin málimdedi, dep habarlaidy Kyodo.
«Men buǵan deiin de kórermenderdiń bolmaýy múmkin ekenin aitqanmyn», – dedi premer-ministr jýrnalisterge. – Qalai bolǵanda da, biz japon halqynyń qaýipsizdigin qamtamasyz etý - basty mindetimiz dep sanaimyz».
Ótken aida olimpiadany uiymdastyrýshylar 23 shildede bastalatyn oiyndardyń qaýipsizdigin qamtamasyz etý maqsatynda syiymdylyǵy 10 000 adamǵa deiin bolatyn nysandardy 50 paiyzǵa deiin toltyrýdy uiǵarǵan edi.
Alaida Tokioda ótken aida koronavirýsqa bailanysty tótenshe jaǵdai alynyp tastalǵan soń infektsiia kúrt artty. Bul kóp jankúier jinalatyn oiyndardy ótkizýge bola ma, joq pa degen kúdikti qoiýlatty.
Beisenbide Tokio úkimeti koronavirýstyń 673 jańa jaǵdaiy týraly habarlady, onyń kúndelikti sany 26 mamyrdan bastap alǵash ret 700-den asty.
Juqpaly aýrýlar jónindegi sarapshylar, onyń ishinde premer-ministrdiń bas keńesshisi COVID-19 ministri Sigerý Omi de oiyndardy kórermendersiz ótkizý «eń qaýipsizi» dep málimdedi.
Ministrler kabineti hatshylyǵynyń málimetinshe, beisenbide Germaniia boks jáne qaiyq jarysy komandalary, Irlandiia boks quramasy jáne Avstraliia fýtbol komandasy bar, barlyǵy 100-den astam adam kelgen. Al jeksenbige deiin olardyń qatary taǵy 400-ge jýyq adamǵa tolyǵady dep josparlanýda.
