Foto: Anadolu
Japoniia premer-ministri Fýmio Kishida jumaǵa josparlanǵan Qazaqstan, Ózbekstan jáne Mońǵoliiaǵa tórt kúndik saparyn toqtatý múmkindigin qarastyryp jatyr, dep jazady Kyodo News.
Bul sheshim Japoniianyń meteorologiialyq agenttigi Nankai aimaǵynda jer silkinisi bolýy múmkin ekenin eskertkennen keiin qabyldanǵan. Japoniianyń meteorologiialyq agenttigi beisenbi kúni eldiń ońtústik-batysynda bolǵan 7,1 baldyq jer silkinisinen keiin birneshe saǵat ótken soń alǵash ret eskertý jasady.
Agenttik málimetinshe, Tynyq muhitynyń ońtústik-batysynan ortalyq Japoniiaǵa deiingi aýmaqtardy qamtityn úlken jer silkinisi qaýpi artqan.
Buǵan deiin Memleket basshysy Qasym-Jomart Toqaevtyń shaqyrýymen Japoniia Premer-Ministri Fýmio Kishida 9-10 tamyzda Qazaqstanǵa resmi saparmen keletini habarlanǵan bolatyn.
