Japoniia úkimeti 2021 jylǵy Tokio Olimpiadasyna keletin sheteldikterdi eki aptalyq karantinnen ótý qajettiliginen bosatý týraly máseleni qarastyrýda, dep habarlaidy KYODO NEWS agenttigi.
Sondai-aq Japoniia biligi Olimpiadanyń sheteldik kórermenderiniń elge kirýine mindetti sharttar jasaýdy josparlap otyr. Onyń negizinde shetel azamattary elge kelmes buryn jasalǵan koronavirýs testileýiniń teris nátijesi týraly birneshe anyqtamanyń bolýy shart. Kelgennen keiin sheteldik azamattar jergilikti biliktiń baqylaýynda bolady.
Eske sala keteiik, Tokio Olimpiadasy 2020 jyldyń 24 shildesi men 9 tamyzy aralyǵynda ótýi tiis bolǵan. Pandemiiaǵa bailanysty jarystar bir jylǵa keiinge qaldyrylyp, 2021 jyldyń 23 shildesi men 8 tamyzy aralyǵynda ótetin boldy. Sonymen qatar «Tokio-2020» oiyndarynyń ataýy da saqtalǵan.
