جاپونييا ٷكٸمەتٸ 2021 جىلعى توكيو وليمپياداسىنا كەلەتٸن شەتەلدٸكتەردٸ ەكٸ اپتالىق كارانتيننەن ٶتۋ قاجەتتٸلٸگٸنەن بوساتۋ تۋرالى مەسەلەنٸ قاراستىرۋدا, دەپ حابارلايدى KYODO NEWS اگەنتتٸگٸ.
سونداي-اق جاپونييا بيلٸگٸ وليمپيادانىڭ شەتەلدٸك كٶرەرمەندەرٸنٸڭ ەلگە كٸرۋٸنە مٸندەتتٸ شارتتار جاساۋدى جوسپارلاپ وتىر. ونىڭ نەگٸزٸندە شەتەل ازاماتتارى ەلگە كەلمەس بۇرىن جاسالعان كوروناۆيرۋس تەستٸلەۋٸنٸڭ تەرٸس نەتيجەسٸ تۋرالى بٸرنەشە انىقتامانىڭ بولۋى شارت. كەلگەننەن كەيٸن شەتەلدٸك ازاماتتار جەرگٸلٸكتٸ بيلٸكتٸڭ باقىلاۋىندا بولادى.
ەسكە سالا كەتەيٸك, توكيو وليمپياداسى 2020 جىلدىڭ 24 شٸلدەسٸ مەن 9 تامىزى ارالىعىندا ٶتۋٸ تيٸس بولعان. پاندەميياعا بايلانىستى جارىستار بٸر جىلعا كەيٸنگە قالدىرىلىپ, 2021 جىلدىڭ 23 شٸلدەسٸ مەن 8 تامىزى ارالىعىندا ٶتەتٸن بولدى. سونىمەن قاتار «توكيو-2020» ويىندارىنىڭ اتاۋى دا ساقتالعان.
