Japon ǵalymdary koronavirýske qarsy vaktsinany klinikalyq synaqtan ótkizip jatyr, dep habarlaidy Japoniianyń NHK telearnasy.
Osaka prefektýrasynyń densaýlyq saqtaý organdary jergilikti ýniversitettermen birlese otyryp, COVID-19 virýsyna qarsy vaktsinany daiyndaýda. Janýarlarǵa synama testter jasaldy.
Osaka gýbernatory Ioshimýra Hirofými klinikalyq synaqtan ótkizý sharalarynyń birinshi kezeńinde densaýlyq saqtaý salasynyń 20-30 qyzmetkerine ekpe jasalatynyn málim etti. Prefektýra basshysynyń aitýynsha, virýsqa qarsy dári-dármek pen vaktsinany jasap shyǵarý óte mańyzdy. Osaka bul maqsatqa birinshi qadam jasap otyr.
Vaktsina qaýipsiz bolyp tanylǵanda, Osaka prefektýrasynyń úkimeti aǵymdaǵy jyldyń qazan aiynda synaý jumystaryna taǵy birneshe júzdegen adamdy qatystyrmaq.
Vaktsinany ázirleý oń nátijesin berse, Japoniia 2020 jyldyń sońyna qarai 200 myńǵa deiin doza daiyndap, qadaǵalaý organdarynyń kelesi jylǵa ruqsatyn alýdy josparlap otyr.
Qazirgi kezde Japoniianyń 17 600-den astam azamatynda koronavirýs rastalyp, indetten kóz jumǵandar sany 930 adamnan asty.
