جاپون عالىمدارى كوروناۆيرۋسكە قارسى ۆاكتسينانى كلينيكالىق سىناقتان ٶتكٸزٸپ جاتىر, دەپ حابارلايدى جاپونييانىڭ NHK تەلەارناسى.
وساكا پرەفەكتۋراسىنىڭ دەنساۋلىق ساقتاۋ ورگاندارى جەرگٸلٸكتٸ ۋنيۆەرسيتەتتەرمەن بٸرلەسە وتىرىپ, COVID-19 ۆيرۋسىنا قارسى ۆاكتسينانى دايىنداۋدا. جانۋارلارعا سىناما تەستتەر جاسالدى.
وساكا گۋبەرناتورى يوشيمۋرا حيروفۋمي كلينيكالىق سىناقتان ٶتكٸزۋ شارالارىنىڭ بٸرٸنشٸ كەزەڭٸندە دەنساۋلىق ساقتاۋ سالاسىنىڭ 20-30 قىزمەتكەرٸنە ەكپە جاسالاتىنىن مەلٸم ەتتٸ. پرەفەكتۋرا باسشىسىنىڭ ايتۋىنشا, ۆيرۋسقا قارسى دەرٸ-دەرمەك پەن ۆاكتسينانى جاساپ شىعارۋ ٶتە ماڭىزدى. وساكا بۇل ماقساتقا بٸرٸنشٸ قادام جاساپ وتىر.
ۆاكتسينا قاۋٸپسٸز بولىپ تانىلعاندا, وساكا پرەفەكتۋراسىنىڭ ٷكٸمەتٸ اعىمداعى جىلدىڭ قازان ايىندا سىناۋ جۇمىستارىنا تاعى بٸرنەشە جٷزدەگەن ادامدى قاتىستىرماق.
ۆاكتسينانى ەزٸرلەۋ وڭ نەتيجەسٸن بەرسە, جاپونييا 2020 جىلدىڭ سوڭىنا قاراي 200 مىڭعا دەيٸن دوزا دايىنداپ, قاداعالاۋ ورگاندارىنىڭ كەلەسٸ جىلعا رۇقساتىن الۋدى جوسپارلاپ وتىر.
قازٸرگٸ كەزدە جاپونييانىڭ 17 600-دەن استام ازاماتىندا كوروناۆيرۋس راستالىپ, ٸندەتتەن كٶز جۇمعاندار سانى 930 ادامنان استى.
