Japoniia úkimeti imperator Akihitonyń óz erkimen taqtan bas tartý kúni retinde 30 sáýirdi belgiledi, dep habarlaidy "Ult aqparat" trend.az agenttigine silteme jasap.
Málim etilgendei, jańa muragerdi taqqa otyrǵyzý rásimi 2019 jyldyń 1 mamyrynda ótedi.
Mundai sheshim sońǵy 25 jyl ishinde alǵash ret shaqyrylǵan Imperatordyń otbasy máseleleri jónindegi komissiia otyrysynda qabyldandy. Imperator kózi tirisinde taqtan bas tartýy 200 jylda tuńǵysh ret bolǵaly otyr.
Ótken jyldyń tamyzynda imperator Akihito halyqqa arnaiy úndeýinde egde jasyna bailanysty óz mindetterin oryndaý qiynǵa soǵyp jatqanyn aityp, taqty muragerge bergisi keletinin jetkizgen edi. Biraq, Imperator úii týraly zańda jáne el konstitýtsiiasynda muragerdiń taqqa otyrýy tek is basyndaǵy imperator qaitys bolǵannan keiin ǵana qarastyrylǵan.
