Japoniianyń Narita jáne Haneda áýejailarynda bet-álpetti tolyq taný júiesi engizildi. Onyń kómegimen halyqaralyq saiahatshylar joljúkti tirkegennen keiin baqylaý-ótkizý pýnktinen tólqujat pen áýe biletterin kórsetpei-aq óte alady. Bul týraly Kyodo agenttigi habarlady.
Jolaýshylardy ushaqqa otyrǵyzý protsesi men olardyń jailylyǵyn qamtamasyz etýge baǵyttalǵan «Face Express» júiesine jolaýshylar áýejaiǵa kelgennen keiin tólqujat pen otyrǵyzý talondaryn tirkeý kezinde sýretke túsýi qajet.
Joljúkti tirkeý kezinde arnaiy terminaldardyń kómegimen kerekti derekter engizilgennen keiin baqylaý-ótkizý pýnktterine kirer bette jáne ushaqqa otyrǵyzý kezinde avtomatty túrde jolaýshylardyń tulǵasy tekserilip otyrady, dep málimdedi Narita International Airport Corp. kompaniiasy.
Júie sáýirde Narita áýejaiynyń qyzmetkerleri bet-álpetti taný júiesin synaqtan ótkizgennen keiin baryp tolyq qoldanysqa engizildi.
