Japoniia álemdegi eń jyldam jolaýshylar poiyzyn synaqtan ótkizdi, dep habarlady CNN.
«Japoniia saǵatyna 400 kilometr jyldamdyqpen júre alatyn joǵary jyldamdyqty jolaýshylar poiyzyn synaqtan ótkizýdi bastady. Synaqtan keiin jolaýshylar tasymalynyń revoliýtsiialyq túri taǵy da jetildiriletin bolady», dep jazady agenttik.
ALFA-X poiyzy úsh jyldan keiin qoldanyla bastamaq.
Poiyz Sendai men Aomori qalalarynyń arasynda synaqtan ótkiziledi. Bul aralyq 280 kilometrdi qamtidy. Ol aptasyna eki ret, túngi mezgilde júrgizilmek. Aita keterligi, joǵary jyldamdyqty poiyzdardy Japoniia 2020 jyly Tokioda ótetin Olimpiada oiyndary qarsańynda engizýdi kózdep otyr.
«Synaq ýaqytynda poiyzdar qandai jyldamdyqta bolatynyna qaramastan, Japoniia temirjol júiesi álem boiynsha rekordty kórsetkishke ie bolyp qala beredi», dep jazady basylym.
