Japoniia imperatory Narýhitonyń taqqa otyrýyna orai 22 qazanda ótýi tiis saltanatty parad taifýn saldarynan basqa kúnge kóshirilýi múmkin, dep habarlaidy NHK telearnasy.
Telearnanyń habarlaýynsha, qazir Japoniia úkimeti osy máseleni talqylap jatyr. Qai kúnge kóshirilýi múmkin ekendigi týraly ázirge habar joq.
Eske salaiyq, Japoniiaǵa senbi kúni jetken «Hagibis» taifýny elge zor shyǵyn keltirgen bolatyn.
Al búgingi derekter boiynsha, tabiǵattyń tosyn minezinen opat bolǵandar sany 77 adamǵa jetken.
Aita keteiik, buryn Japoniia úkimeti eldiń jańa imperatory Narýhitonyń taqqa otyrýyna bailanysty sotty bolǵan 550 myń adamǵa raqymshylyq jariialaýdy kózdep otyrǵanyn habarlaǵan bolatynbyz.
Imperator Narýhito biyl 1 mamyrda taqqa otyrǵan. Sol kezde oǵan memlekettiń bas móri men imperator móri, memlekettik simvoldar tapsyrylǵan.
Biraq jańa imperatordyń taqqa otyrýyna bailanysty basty saltanattar 22 qazanǵa belgilengen, sondai-aq qarasha aiynda da jalǵasýy tiis.
