Qyrǵyzstan prezidenti Sadyr Japarov eldiń barlyq aimaǵynda kazino ashýdy usyndy. Bul týraly «Kabar» agenttigi habarlady.
«Zań jobasyna sáikes, kazinolardy tek Ystyqkól jáne Batken oblystarynda ashý usynylyp otyr. Biraq men qazir apparatqa depýttardyń zań jobasyna búkil elde, iaǵni Bishkek pen barlyq oblys ortalyqtarynda kazino ashý usynysyn engizýdi tapsyrdym», - dedi prezident.
Ol Qyrǵyzstanda kazino 2015 jylǵa deiin jumys istegenin, ol kezde árbir azamattyń oǵan barýǵa quqyǵy bolǵanyn, jastardyń oiynǵa salynyp, kúndiz-túni aqshasynan aiyrylǵanyn eske saldy.
«Osyny syltaý qylǵan jekelegen depýtattar 2015 jyly kazinolardy jabatynyn aityp qorqytyp, olardyń ielerinen birneshe million kóleminde aqsha bopsalaǵan. Biraq olar budan bas tartyp, qazynaǵa aqsha ákelip, 1,5 mln som litsenziia satyp alǵanyn, árbir ústel men avtomat úshin salyq tólep júrgenin aitty.
Sonda depýtattar kazinolardy jaýyp tastady. Men onyń ashylý ideiasyn nege qoldap otyrmyn? Zańǵa qyrǵyzstandyqtardyń kazinoǵa barýyna tyiym salatyn norma engizýdi usynamyn. Kazino tek sheteldik týrister úshin ǵana jumys isteidi. Qazirgi kezde ekonomikanyń quldyraýy baiqalyp otyr, biz el biýdjetin tolyqtyrýdyń kez kelgen joldaryn izdeýimiz kerek. Onsyz járdemaqy, jalaqy, memlekttik qaryzdy tólei almaimyz. Sondyqtan biz kazino ashýymyz tiis», - dep túsindirip ótti Japarov.
