Qazaqstannyń Tuńǵysh Prezidenti Nursultan Nazarbaev Qyrǵyz Respýblikasynyń Prezidenti Sadyr Japarovpen telefon arqyly sóilesti, dep habarlaidy Elbasynyń resmi saity.
Qyrǵyzstan Prezidenti Nursultan Nazarbaevty shyn júrekten týǵan kúnimen quttyqtap, myqty densaýlyq, baq-bereke jáne kópqyrly memlekettik qyzmette jańa jetistikter tiledi.
Sadyr Japarov qazirgi qazaq-qyrǵyz qatynastaryn, sondai-aq ekijaqty strategiialyq seriktestik pen odaqtastyqty damytýdaǵy Nursultan Nazarbaev qyzmetiniń erekshe mańyzdylyǵyn atap ótti.
Qazaqstannyń Tuńǵysh Prezidenti Qyrǵyz eliniń kóshbasshysyna izgi tilekteri úshin rizashylyǵyn bildirip, baýyrlas eki el arasyndaǵy tarihi tyǵyz bailanystardyń odan ári keńeiip, tereńdei túsetinine senim bildirdi.
