Qazaqstandyq saiasattanýshy Daniiar Áshimbaev Elbasy Nursultan Nazarbaev pen prezident Qasym-Jomart Toqaev arasynda janjal boldy degen pikirdi joqqa shyǵardy, - dep habarlaidy Sputnik Qazaqstan.
"Kóbi Toqaev "tranzittik prezident" ekenine sendi. Biraq Nur Otan partiiasy tóraǵasy qyzmetiniń tapsyrylýy olai emes ekenin kórsetti. Sebebi bul qyzmet Májiliske de, Úkimetke de bilik júrgizý quqyǵyn beredi. Eń bastysy, Toqaevtyń 2024 jyly ótetin sailaýǵa túsetinin bildiredi", - dedi Áshimbaev ia-centr.ru saityna bergen suhbatynda.
Sarapshynyń pikirinshe, Qazaqstanda 2024 jylǵy prezident sailaýynda Toqaevtyń jeńiske jetkenin qalamaityn adamdar bar.
"Nazarbaev mundai nusqany qarastyrmaityny jáne óz sheshimin ózgertpeitini belgili bolǵanda, bul biz tap bolǵan narazylyq tolqynyn týdyrǵan bolar, bálkim. Sondyqtan elitalar arasynda janjal boldy, biraq Nazarbaev pen Toqaev arasynda janjal bolǵan joq", - dep jalǵastyrdy Áshimbaev.
Sarapshy Nazarbaevtyń týystarynan bólek, óziniń saiasi bolashaǵyn qamtamasyz etýge múddeli bolǵan basqa da figýralar boldy dep sanaidy. Mysaly, ol qazir aiyptalyp otyrǵan UQK-nyń burynǵy basshysy Kárim Másimov.
Áshimbaev Toqaev sodyrlardy jeńgenin atap ótti. Alaida, aitýynsha, keibireýleri muny Toqaev Nazarbaevty jeńdi dep kórsetýge tyrysyp jatyr.
"Biraq bul jeńis – Nazarbaevtyń da jeńisi. Óitkeni onyń izbasary men onyń baǵyt-baǵdary bútin qaldy. Izbasary eldi alǵa bastai alatyn myqty kóshbasshy ekenin kórsetti. Iaǵni Nazarbaevtyń kózdegeni de osy edi. Sol sebepti bul - Nazarbaevtyń tańdaýynyń jeńisi", - dep túiindedi saiasattanýshy.
