قازاقستاندىق ساياساتتانۋشى دانييار ەشٸمباەۆ ەلباسى نۇرسۇلتان نازارباەۆ پەن پرەزيدەنت قاسىم-جومارت توقاەۆ اراسىندا جانجال بولدى دەگەن پٸكٸردٸ جوققا شىعاردى, - دەپ حابارلايدى Sputnik قازاقستان.
"كٶبٸ توقاەۆ "ترانزيتتٸك پرەزيدەنت" ەكەنٸنە سەندٸ. بٸراق Nur Otan پارتيياسى تٶراعاسى قىزمەتٸنٸڭ تاپسىرىلۋى ولاي ەمەس ەكەنٸن كٶرسەتتٸ. سەبەبٸ بۇل قىزمەت مەجٸلٸسكە دە, ٷكٸمەتكە دە بيلٸك جٷرگٸزۋ قۇقىعىن بەرەدٸ. ەڭ باستىسى, توقاەۆتىڭ 2024 جىلى ٶتەتٸن سايلاۋعا تٷسەتٸنٸن بٸلدٸرەدٸ", - دەدٸ ەشٸمباەۆ ia-centr.ru سايتىنا بەرگەن سۇحباتىندا.
ساراپشىنىڭ پٸكٸرٸنشە, قازاقستاندا 2024 جىلعى پرەزيدەنت سايلاۋىندا توقاەۆتىڭ جەڭٸسكە جەتكەنٸن قالامايتىن ادامدار بار.
"نازارباەۆ مۇنداي نۇسقانى قاراستىرمايتىنى جەنە ٶز شەشٸمٸن ٶزگەرتپەيتٸنٸ بەلگٸلٸ بولعاندا, بۇل بٸز تاپ بولعان نارازىلىق تولقىنىن تۋدىرعان بولار, بەلكٸم. سوندىقتان ەليتالار اراسىندا جانجال بولدى, بٸراق نازارباەۆ پەن توقاەۆ اراسىندا جانجال بولعان جوق", - دەپ جالعاستىردى ەشٸمباەۆ.
ساراپشى نازارباەۆتىڭ تۋىستارىنان بٶلەك, ٶزٸنٸڭ ساياسي بولاشاعىن قامتاماسىز ەتۋگە مٷددەلٸ بولعان باسقا دا فيگۋرالار بولدى دەپ سانايدى. مىسالى, ول قازٸر ايىپتالىپ وتىرعان ۇقك-نىڭ بۇرىنعى باسشىسى كەرٸم مەسٸموۆ.
ەشٸمباەۆ توقاەۆ سودىرلاردى جەڭگەنٸن اتاپ ٶتتٸ. الايدا, ايتۋىنشا, كەيبٸرەۋلەرٸ مۇنى توقاەۆ نازارباەۆتى جەڭدٸ دەپ كٶرسەتۋگە تىرىسىپ جاتىر.
"بٸراق بۇل جەڭٸس – نازارباەۆتىڭ دا جەڭٸسٸ. ٶيتكەنٸ ونىڭ ٸزباسارى مەن ونىڭ باعىت-باعدارى بٷتٸن قالدى. ٸزباسارى ەلدٸ العا باستاي الاتىن مىقتى كٶشباسشى ەكەنٸن كٶرسەتتٸ. ياعني نازارباەۆتىڭ كٶزدەگەنٸ دە وسى ەدٸ. سول سەبەپتٸ بۇل - نازارباەۆتىڭ تاڭداۋىنىڭ جەڭٸسٸ", - دەپ تٷيٸندەدٸ ساياساتتانۋشى.
