Foto: Lada.kz
Jelide janýarlarǵa qatygezdik kórsetilgen kadrlar jariialandy. Oqiǵa Jańaózende bolǵan, - dep habarlaidy Massaget.kz portaly Lada.kz saityna silteme jasap.
Basylym málimetinshe, buralqy janýarlardy atýmen ainalysatyn adamdar óz áreketterin videoǵa túsirgen. Olar drotikpen (qarý - esk.) itterdi qalai atqanyn, sodan keiin ólekselerdi shuńqyrǵa qalai laqtyrǵandaryn kórsetken. Olardyń biri óltirilgenderdiń esebin júrgizgen, ólgen it sany - 18.
"Biz munda bárin emdeimiz, janýarlardy qutqaramyz, itterdi zararsyzdandyramyz, al olar óltiredi. Olar tirilerdi kólikke salyp, kúlge laqtyrady. Ne bolyp jatyr?" - deidi úi janýarlaryn qorǵaýshylar.
Jelide qazaqstandyqtar bul áreketke narazy pikirler jazǵan. Olar osy iske sheneýnikterdiń nazar aýdarýyn suraidy.
