Foto: Almaty.tv
Qazaq ulttyq ýniversitetiniń rektory Janseiit Túimebaevtyń ulyna qatysty iste kýágerlerden jaýap alyndy. Onyń uly Qańtar oqiǵasy kezinde oqqa ushqan edi, - dep habarlaidy Almaty.tv.
Dúrbeleńdegi ólimge áskeri desantty shabýyldaýshy brigadanyń jaýyngeri kúdikti dep tanylǵan. Alaida onyń advokaty men týystary kináni aiǵaqtaityn dáleldiń joǵyn aitady. Otyrysta jaýap bergen kýágerler de 33 jastaǵy er adam bireýdi jazym qyldy degen aqparatty rastamady.
Úsh balanyń ákesi Serikbol Murathan byltyr kúzde qamaýǵa alynǵan. Sot ony úiqamaqqa jiberý týraly ótinishti qanaǵattandyrmady. Kúdiktiniń týystary tergeýdiń ádil bolǵanyn qalaidy.
"Otyzdan asa kýáger keldi. Bári 90 paiyz kinásiz ekenin dáleldep berip edi. Artynda eki balasy bar, áieli úshinshisin bosandy. Bul - adam quqyǵyn shektep, qundylyqtan aiyrý", - dedi kúdiktiniń týysy Janat Qýanyshhan.
Eske salaiyq, Janseiit Túimebaevtyń uly Elnar 2022 jyly 11 qańtarda Almatydaǵy jappai tártipsizdik kezinde kóz jumdy. Elnardyń kóligine belgisiz bireýler oq jaýdyrǵan. Saldarynan ol oqiǵa ornynda qaza bolǵan.
