Qazaqstan óz táýelsizdigin jariialaǵan kúnnen bastap, órkenietti elderdiń damý jolyna tústi. Qazaqstannyń táýelsiz memleket retinde damýy barysynda memlekettik organdar arasynda prokýratýra organdarynyń orny men róli jańa mazmunmen tolyǵyp, prokýrorlyq qadaǵalaýdyń ókilettikteri ózgerdi.
Alaida, qanshama ózgeriske ushyrasa da, prokýratýra quqyq qorǵaý organy bolyp qalyp otyrdy. Prokýratýra memleket atynan Qazaqstan Respýblikasynyń aýmaǵynda zańdylyqtyń saqtalýyna zańda belgilengen shekte jáne nysandarda joǵary qadaǵalaýdy júzege asyrady, sotta memlekettiń múddesin bildiredi jáne memleket atynan qylmystyq qýdalaýdy júzege asyrady.
Memleketimizdiń barlyq kezdegi damý satysynda prokýratýranyń aldynda árbir azamat ózderiniń quqyqtaryna qol suǵylǵanda olardy qorǵaityn birinshi ári eń jaqyn qorǵaýshy prokýrorlar ekenin biletin jáne túsinetin jumys baǵytyn belgileý mindeti turdy.
Elimizdiń quqyqtyq júiesindegi eń joǵarǵy qadaǵalaýshy prokýratýra organdary Konstitýtsiiamen belgilengen mindetteriniń talaptaryna sáikes Qazaqstan Respýblikasy aýmaǵynda kúshi bar zańdardyń qoldanylýyn, qylmystyq is júrgizý satylarynda zań buzýshylyqtardyń jiberilmeýin, zańdylyqtardyń dálme dál oryndalýyn qadaǵalap, sot aktileriniń ádildigine yqpal etý jumystaryn júrgizip keledi.
Prokýratýra organdarynyń qyzmetkerleri halyqtyń senimine olardyń quqyqtary men konstitýtsiialyq bostandyqtaryn qorǵaý arqyly ie bolyp otyr.
Prokýratýra qyzmetkerleri prokýratýra organy qalyptasqaly beri zańdylyqtyń kúzetinde júrip, elimizde zańnyń durys jáne birkelki qoldanylýyn qamtamasyz etýde tabandylyq tanytyp, aianbai eńbek etip, óz qyzmettik mindetterin adal atqaryp keledi.
