Túrkistan qalasyndaǵy ákimshilik iskerlik ortalyǵynda qurylys jumystary qarqyn alǵan.
Oblys ákimi Janseiit Túimebaev jańadan boi kóterip jatqan nysandardyń jobasymen tanysyp, jaýaptylarǵa qurylysty qarqyndatýdy tapsyrdy, dep habarlaidy "Ult aqparat".
Búginde ákimshilik, basqarmalar jáne departamentter ǵimarattarynyń qurylysyn «BI Group» JShS-i júrgizýde. Ortalyqtyń ornynda qazanshuńqyr qazylyp, tiisti jumystar atqarylýda. Jospar boiynsha nysannyń qurylysy jyl sońyna deiin aiaqtalyp, paidalanýǵa beriledi dep kútilýde. Sonymen qatar, oblys ortalyǵynda Astana qalasynyń ákimdiginiń tapsyrysy boiynsha «Astana» alańy men Almaty qalasy ákimdiginiń tapsyrysymen mediaortalyq salynýda.
«Samuryq qazyna» AQ tapsyrysymen kongress-ortalyq jáne oqýshylar saraiy ǵimarattarynyń da qurylysy bastaldy. Aldaǵy ýaqytta «UÁQ Samuryq qazyna» AQ tapsyrysymen 7 myń oryndyq stadion men Shymkent qalasy ákimdiginiń tapsyrysy boiynsha oblystyq ǵylymi-ámbebap kitaphananyń qurylysyn bastaý kózdelýde. Sondai-aq, Túrkistan qalasynyń rýhani-mádeni aimaǵynda «UÁQ Samuryq qazyna» AQ tapsyrysymen Qoja Ahmet Iassaýi murajaiy nysany salyna bastady.
