Almatyda Shahmat federatsiiasy quryldy. Uiymnyń prezidenti bolyp Jansaia Ábdimálik taǵaiyndaldy, - dep habarlaidy Tengrinews.kz agenttigi.
Jańa uiym Almaty shahmat odaǵynan shyqqannan keiin akkreditatsiiadan ótip, qalada shahmat mádenietin damytpaq.
"Federatsiia 2024 jylǵa deiin tórt negizgi baǵytty damytýdy josparlap otyr: azamattar arasyndaǵy buqaralyq sport, mekteptegi shahmat, elitalyq sport, sondai-aq ardagerlerdi qoldaý", - dedi Jansaia Ábdimálik.
Jansaia Ábdimáliktiń ákesi, Qazaqstannyń eńbek sińirgen jattyqtyrýshysy Daniiar Áshirov Jansaianyń halyqaralyq týrnirler men oqý-jattyǵý jiyndaryna qatysýda úlken tájiribesi bar belsendi sportshy ekeni federatsiia úshin úlken artyqshylyq bolatynyn atap ótti.
"Qazaqstannan shyqqan shahmattan tuńǵysh álem chempionynyń ózi týyp-ósken qalada - Almaty shahmat federatsiiasynyń prezidenti bolýynyń simvoldyq máni bar. Jansaianyń kelýimen jaǵdai jaqsy jaqqa ózgeredi: Almatyda shahmatty damytý úshin týrnirlerge, elitalyq shahmatshylar men basqa elder jattyqtyrýshylaryn shaqyrýǵa múmkindikter ashylady", - dedi Daniiar Áshirov.
