Jańaózen qalasynda 2 jasóspirim gazdan ýlanyp, mert boldy, dep habarlaidy "Ult aqparat".
2005, 2006, 2003 jyly týǵan úsh jasóspirim Jańaózen qalasyndaǵy meiramhanalardyń birinde túnde daiashy bolyp qyzmet etip, artynan sonda qonýǵa qalyp qoiǵan. Tańerteń meiramhana qyzmetkerleri eki jasóspirimniń denesin tapqan. Taǵy bir bala Jańaózen qalalyq aýrýhanasynyń jansaqtaý bólimine jetkizilgen. Qazir ol esin jiyp, jaǵdaiy turaqtandy. Oǵan gazdan ýlaný diagnozy qoiylǵan. Mańǵystaý oblystyq Densaýlyq saqtaý basqarmasy baspasóz qyzmetiniń habarlaýynsha, jasóspirim erteń jalpy palataǵa aýystyrylady.
Oblystyq Politsiia departamenti taratqan aqparat boiynsha, osy oqiǵa boiynsha qylmystyq is qozǵalǵan.
«Atalǵan derek QR QK-niń 156-babynyń 4 bóligine sáikes Jańaózen qalasy Politsiia basqarmasy sotqa deiingi tergeýdiń biryńǵai tizilimine tirkeldi. Sotqa deiingi tergeý amaldary júrgizilýde. Oqiǵanyń mán-jaiy anyqtalýda»,-delingen habarlamada.
